Ajo çfarë mund të konsiderohet një nga deklaratat më me impakt në politikën botërore për këtë vit nga presidenti Trump, në rrjetet sociale po analizohet për një arsye krejt tjetër. Komuniteti i internetit ka ngritur hipotezën se presidenti Trump mban një protezë në gojë. Kjo nisur nga mënyra se si i shqiptoi disa fjalë gjatë fjalimit me të cilin shpalli se SHBA-të njohin Jeruzalemin si kryeqytet të Izraelit.
Madje në këtë diskutim janë thirrur edhe ekspertë për të dhënë mendimin e tyre. Neurokirurgu Sanjai Gupta tha për CNN se fjalimi i Trump-it tregon se ka diçka që nuk shkon.
Kjo e detyroi zëdhënësen e Shtëpisë së Bardhë, Sarah Sanders, të reagonte. Ajo i cilësoi si qesharake hipotezat e hedhura dhe shtoi se Trump do të kryejë check up-in e përvitshëm në janar dhe rezultatet do të bëhen publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
