Kryeministri izraelit Benjamin Netanyahu thuhet se i premtoi Ministrit të Financave Bezalel Smotrich në takimin e tyre të fundit se, pas armëpushimit të propozuar 60-ditor me Hamasin, i cili aktualisht është duke u diskutuar në Doha, Izraeli do të rifillojë luftën e tij kundër Hamasit në Gaza.
“Qëllimi ynë është që pas armëpushimit, të zhvendosim popullsinë e Rripit drejt jugut dhe të vendosim një rrethim në Gazën veriore”, raportohet t’i ketë thënë Netanyahu, Smotrich.
Në takimet me dyer të mbyllura, Netanyahu paraqiti planin e Izraelit për të ndarë popullsinë civile të Gazës nga Hamasi dhe për t’i mbajtur ata në Rripin jugor të Gazës si një strehë humanitare, duke lejuar që konflikti të vazhdojë pas armëpushimit të përkohshëm.
Më pas thuhet se Netanyahu e siguroi ministrin se do ta mbante premtimin e tij, duke përmendur planifikimin e muajit të kaluar për konfliktin me Iranin si arsyen pse pritjet e mëparshme të Smotrich për shkatërrimin e Hamasit nuk ishin përmbushur.
Smotrich dhe Ministri i Sigurisë Kombëtare Itamar Ben Gvir kanë paralajmëruar se do të tërhiqen nga qeveria nëse arrihet një marrëveshje për t’i dhënë fund luftës në Gaza me Hamasin ende në pushtet.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
