Ministrja e Turizmit dhe Mjedisit Mirela Kumbaro foli sot mbi problematikën e hedhjes vend e pavend të plehrave në vendin tonë. Duke folur në emisionin “Arnautistan” në MCN TV Mirela Kumbaro tha që ka faj shoqëria që nuk e ka pasur në ligj dhe shkollë edukimin e brezit të ri.
Ajo u shpreh se te shqiptarët kanë trashëguar nga komunizmi një marrëdhënie të detyruar për të jetuar në hapsirën publike. Kumbaro theksoi se ka dy mënyra për adresimin e çështjes, në vegjëli duhet edukim dhe ndëshkim kur je i rritur.
Mendoj që ne trashëguam nga koha e regjimit një marrëdhënie të detyruar me dhunë për të jetuar në hapësirën publike. Ajo që ishte kolektive na u kthye në barrë, në dhunë. Në momentin që na u dha liria për të pasur diçka tonën, gjithçka që na u dha me dhunë na u kthye në armiqësore. Shkallët pis, pallati pis. Kaluam nga një shoqëri krejtësisht bio, sepse ishte jeta e varfër dhe nuk e kishe konsumizmin në axhendë dhe ramë si daci në kos, u magjepsëm nga plastika dhe kaluam në atë kalvar që kaluan shoqëritë e varfëra në tranzicion. Ne e trajtojmë mbetjen sikur na bie nga Marsi, janë tonat dhe duhet të mësojmë ta menaxhojmë. Ka faj gjithë shoqëria që nuk e ka pasur as në ligj as në shkollë edukimin e brezit të ri. Kur kemi menduar për t’i edukuar gangot?! Ka dy mënyra edukim në vegjëli dhe ndëshkim kur je i rritur. A mundet që në emisionet komerciale të fusim një element që ka të bëjë me edukatën”, tha Kumbaro.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
