Partia Socialiste kujton sot 31-vjetorin e e themelimit të saj. Përpos urimeve nga deputetët dhe simpatizantët e saj një reagim për këtë ditë ka ardhur dhe nga ish-kryeministri Berisha. Përmes një statusi në Facebook, Berisha shkruan se PS kremton sot si parti-shtet përvjetorin e ndërrimit te emrit.
Ish-kryeministri shkruan se kjo parti u PPSH feston diten e pagezimit të saj të tretë me emrin qe mbart sot.
Reagimi i plotë i Berishës:
Partia Socialiste kremton sot si parti-shtet përvjetorin e ndërrimit te emrit!
Te dashur miq,
Sot, partia e PPSH feston ditën e pagëzimit të saj të tretë me emrin që mbart sot.
Ajo u themelua më 8 nëntor të vitit 1941 nga serbet Miladin Popoviç dhe Dushan Mugosha si Partia Komuniste e Shqipërisë. Per shkak të genocidit dhe krimeve kundër njerëzimit që kreu gjatë luftës si një parti terroriste e vertetë, pas lufte emri u ndërrua nga PKSH në Partia e Punës së Shqipërise dhe përsëri për shkak të genocidit dhe krimeve kundër njerëzimit që ajo si parti-shtet, nën udhehëqjen e diktatorit gjakatar Enver Hoxha kreu për dekada në pushtet, u detyrua që me 12 qershor të vitit 1992, të ndryshojë emrin në Partia Socialiste e Shqipërisë.
Pas disa perpjekjeve të bëra nga Fatos Nano dhe një grup të rinjsh për reformimin e saj, kjo parti nën udhëheqjen e Edi Ramës është shndëruar përseri në një parti-shtet e lidhur gjeresisht në kreun e saj, me drogën, krimin dhe vjedhjet e mëdha të fondeve dhe pasurive publike.
Kjo parti sot, nën drejtimin e Edi Rames kremton përvjetorin e ndërrimit të emrit si parti e veprave më të zeza dhe mynxyrës së vërtetë kombëtare si parti antikombetare që shndërroi Tiranën në Beogradin e Vogel që u shet shqiptarëve interesat e Serbisë për interesa të Shqiperisë, dhe qe duke zbatuar platformën e Vaso Çubrilliviçit, përzuri ne 4 vite 540 mije shqiptare nga Shqipëria.
Kjo parti, me në krye Edi Ramën, ndërtoi narkoshtetin e parë dhe të vetëm në Europë dhe si parti shtet, instaloi pas 31 viteve, monizmin e plotë në Shqipëri!
Këto 9 vite në pushtet, Partia Socialiste mbylli dyert e BE-së për Shqipërinë!
Edi Rama, në krye të PS me lidhjet e tij të krimit, shnderroi Shqipërinë në epiqendër operative të organizatave kriminale të rajonit, Europës, Amerikës së Veriut e Amerikës së Jugut dhe Lindjes së Mesme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
