Një pacient do të bëhet personi i parë në botë që do të ketë një sy protezë të printuar 3D. Steve Varze, nga Hackney, Londra Lindore, do të marrë syrin të enjten në spitalin e syve Moorfields në Londër.
Shpresohet që syri të jetë më realist se një sy protetik tradicional akrilik. Gjithashtu do të zvogëlojë përgjysmë kohën që u duhet pacientëve për t'u pajisur me protezën e tyre, nga gjashtë javë në tre.
"Unë kam nevojë për një protezë që kur isha 20 vjeç dhe gjithmonë jam ndjerë i vetëdijshëm për këtë," tha zoti Varze, i cili është në të 40-at.
“Kur largohem nga shtëpia, shpesh hedh një vështrim të dytë në pasqyrë dhe nuk më ka pëlqyer ajo që kam parë.
"Ky sy i ri duket fantastik dhe, duke u bazuar në teknologjinë e printimit dixhital 3D, do të bëhet gjithnjë e më mirë."
Për një protezë tradicionale, pacienti duhet t'i nënshtrohet një seance dy-orëshe për të formuar grykën e syrit, përpara se të vendoset proteza dhe më pas të lyhet.
Sipas spitalit, proteza e printuar 3D duhet të zvogëlojë procesin e prodhimit në dy deri në tre javë, ndërsa takimi fillestar zgjat vetëm gjysmë ore.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
