Kryeministri hungarez Viktor Orban ka kërkuar që Ursula von der Leyen të zëvendësohet si presidente e Komisionit Evropian, duke i përshkruar pesë vitet e mandatit të saj si "më të këqijat" në historinë e BE-së.
Duke folur për median gjermane “Funke” Orban deklaroi se tranzicioni i gjelbër i BE-së kishte shkuar kundër interesave ekonomike dhe industriale të bllokut, ndërsa paketa e saj e migracionit ishte rezultuar gjithashtu krejtësisht e pasuksesshme.
“Pesë vitet e fundit kanë qenë ndoshta pesë vitet më të këqija në historinë e BE-së. Sukseset e Komisionit Evropian dhe elitës së Brukselit janë të dobëta”, tha Orban.
BE-ja ka nevojë për udhëheqje efikase dhe ka "shumë" politikanë të talentuar "të aftë për ta bërë këtë punë", tha kryeministri hungarez. Ai pohoi se rezultatet e zgjedhjeve të fundit të Parlamentit Evropian kanë treguar gjithashtu se njerëzit duan ndryshim në Bruksel.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
