Tre ditë pas lirimit me kusht nga burgu, ish-deputeti demokrat Ervin Salianji është paraqitur paraditen e sotme në ambientet e Shërbimit të Provës.
Salianji shoqërohej nga avokati i tij Ledio Braho, teksa mbërriti në institucionin që vlerësoi pozitivisht sjelljen e tij në burg.
Ish-deputeti demokrat nisi vuajtjen e dënimit në burgun e Fierit mbrëmjen e 27 shtatorit 2024 pasi Gjykata e Apelit la në fuqi dënimin me 1 vit burg për veprën penale të “Kallëzimit të rremë” në lidhje me çështjen e njohur publikisht si dosja “Babale”.
Ervin Salianji u dënua më 18 dhjetor 2019 me 1 vit burg në shkallën e parë, pasi audio përgjimi për dosjen “Babale”, sipas gjykatës rezultoi se nuk ishte i vërtetë, por i stisur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
