Rindërtohet portreti i Irhoud, Homo Sapiensi më i vjetër

<p>Irhoud është <strong>Homo sapiensi më i vjetër i zbuluar deri më tani.</strong></p> <p>Mbetjet e tij datojnë 315 mijë vjet më parë dhe e kanë marrë emrin nga vendi ku u gjetën, rreth viteve ’60, në Jebel Irhoud, në Marok. Ato janë fosile të rëndësishme sepse rishkruan historinë evolucionare të njerëzve të parë, duke sjellë origjinën e specieve tona nga Afrika sub-Sahariane dhe duke e zhvendosur shfaqjen e saj rreth 100 mijë vjet më herët nga sa mendohej më parë.</p> <p><a href="https://www.ansa.it/canale_scienza/notizie/ragazzi/news/2024/06/22/ecco-il-volto-di-irhoud-il-piu-antico-homo-sapiens-finora-noto_e970dd76-b5bb-45f3-be07-2d74ee47a80a.html">Studimi</a>, i publikuar në revistën OrtogOnLineMag, është rezultat i skanimeve 3D të elementeve të ndryshëm që i përkasin më shumë se një individi, të kryera falë të dhënave të siguruara nga studiuesit në Institutin Gjerman Max Planck për Antropologjinë. Rindërtimi u krye nga eksperti brazilian Cicero Moraes, i njohur për rindërtimet &nbsp;tredimensionale të fytyrave të shumë figurave historike, nga Antonio da Padova deri te Francesco Petrarca.</p> <p><a href="https://www.fibank.al/individe/depozita-dhe-investime/depozita/depozita-e-hapur" target="_blank"><img alt height="100" src="https://www.mcntv.al/sites/default/files/fbank31.gif" style="float:left" typeof="foaf:Image" width="600"></a></p> <p>&nbsp;Në këtë punë të fundit rindërtuese, Moraes përdori një kombinim qasjesh të ndryshme. “<strong><em>E skanova kafkën në 3D – thotë eksperti – dhe përdora tomografinë e një qenieje moderne njerëzore, duke e deformuar atë në mënyrë që kafka e dhuruesit të përshtatej me atë të Jebel Irhoud</em></strong>”. Më pas u shtuan më shumë të dhëna nga njerëzit modernë për të parashikuar trashësinë e indeve të buta, pamjen e hundës dhe tipare të tjera të fytyrës. Kështu doli se Irhoud ka një<strong> fytyrë dhe dhëmbë moderne dhe një kafkë të madhe, por me tipare arkaike.</strong></p> <p>“<em>Rezultati përfundimtar është kombinimi i të gjithë këtyre elementeve, i cili gjeneron dy grupe imazhesh</em>,” shton Moraes: “<em>Një objektiv, me më shumë elemente teknike, pa flokë dhe në gri, dhe tjetri më artistik, i cili gjithashtu paraqet ngjyrën e lëkurës dhe flokët.</em>" Sipas ekspertit brazilian, kafka e Irhoud duket shumë e ngjashme me një tjetër, të quajtur Skhul V, e gjetur në Izrael dhe që daton rreth 120 mijë vjet më parë, por gjithashtu ka disa karakteristika të përputhshme me Neandertalët dhe Heidelbergensis.</p>