Kreu i Komitetit për Punë të Jashtme në Bundestagun gjerman, Michael Roth, ka reaguar ndaj deklaratës së emisarit amerikan, Gabriel Escobar, i cili tha se Kosova ka edhe dy kushte për anëtarësim në Këshill të Evropës (KiE) si Asociacioni dhe disa shpronësime në veri të Kosovës.
Roth kritikoi SHBA-në se po i vendos ekstra kritere Kosovës për t’u anëtarësuar në Këshillin e Evropës.
Ai shkroi në rrjetin social X, se kjo qasje e pabalancuar ndaj Kosovës duhet të përfundojë.
Është krejtësisht e pakuptueshme që SHBA vendos ekstra kushte për anëtarësimin e Kosovës në Këshillin e Evropës. Kjo qasje e pabalancuar nga SHBA-ja drejt Kosovës duhet përfundimisht të përfundojë.
S’është fer dhe është e padrejtë. Këshilli i Evropës dhe shtetet anëtare ulen në ulësen e shoferit-jo SHBA.
Roth rishpërndau një postim të kolegut të tij të Bundestagut, Frank Schëabe, i cili komentoi deklaratat e emisarit amerikan Gabriel Escobar, i cili tha se përveç vendimit për Manastirin e Deçanit, Kosova duhet të plotësojë edhe dy kushte, përfshirë asociacionin.
Me gjithë respektin për të dërguarin special të SHBA-së për Ballkanin Perëndimor, Gabriel Escobar, Këshilli i Evropës po bën të mundur gjëra që të tjerët nuk mund t’i arrinin.
Dhe ne do të vendosim për aplikimin e Kosovës për anëtarësim në bazë të rregullave dhe vlerave tona.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
