Ish-zëvendëskancelari i Austrisë është dënuar për korrupsion, pas të ashtuquajturit skandal "Ibizagate".
Heinz-Christian Strache u shpall fajtor për dhënien e favoreve në këmbim të donacioneve për Partinë e Lirisë Austriake të së djathtës ekstreme (FPÖ).
Ish-drejtuesit të FPÖ-së iu dha një dënim me 15 muaj burg me kusht, njoftoi gjyqtarja Claudia Moravec-Loidolt pas gjykimit.
Ai është akuzuar për përpjekjen për të ndryshuar ligjet për të favorizuar një spital privat në këmbim të donacioneve të partisë, me vlerë deri në 12,000 €.
Pronarit të spitalit privat në fjalë, Walter Grubmüller, iu dha gjithashtu një dënim me kusht prej 12 muajsh për ryshfet.
Strache, i cili shërbeu si zëvendës-kancelar nga viti 2017 deri në 2019-ën dhe Grubmueller ishin deklaruar të pafajshëm për akuzat dhe mund të apelojnë vendimin.
Politikani u kap për herë të parë në një operacion ndërsa ishte me pushime në ishullin spanjoll Ibiza në 2017-ën.
Përpara zgjedhjeve parlamentare, Strache kishte mbajtur një takim me një grua në gjendje të dehur, e cila u paraqit si mbesa e pasur e një oligarku rus që dëshiron të investojë në Austri.
Strache iu ofrua ndihmë për të financuar fushatën e tij në këmbim të një premtimi se spitali privat do të fitonte tenderat publikë nëse ai do të hynte në qeveri.
Takimi u kap i gjithi me një kamera të fshehtë, e cila më pas u publikua në media në vitin 2019, duke rrëzuar qeverinë e koalicionit austriak.
Disa hetime të tjera janë hapur nga zyra e prokurorit publik si rezultat i videos "Ibizagate", e cila vazhdon të trondisë politikën austriake.
Ndërkohë, kancelari austriak Sebastian Kurz, i cili u kthye në qeveri në vitin 2020 po hetohet nën dyshimin se ka gënjyer një komision parlamentar hetimor mbi korrupsionin, i cili u krijua pas skandalit të "Ibizagate".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
