Forcat ajrore të Ukrainës thanë të shtunën se Rusia lëshoi gjithsej 67 dronë me rreze të gjatë veprimi Shahed në një sulm masiv gjatë natës, 58 prej të cilëve ishte në gjendje t'i rrëzonte.
Forcat ajrore thanë në një deklaratë në aplikacionin e mesazheve Telegram se njësitë e mbrojtjes ajrore u përfshinë në veprim në 11 rajone në të gjithë Ukrainën.
Mbetjet dronit u gjetën pranë ndërtesës së parlamentit në kryeqytetin Kiev, tha legjislativi në një deklaratë të veçantë që postoi në faqen e tij zyrtare në Telegram së bashku me disa fotografi.
Është e rrallë që një raketë ose dron rus të arrijë kaq larg në qendër të Kievit, pasi qyteti mbrohet nga një rrjet sistemesh të mbrojtjes ajrore të epokës sovjetike dhe të dhuruara nga Perëndimi.
Zona e qeverisë, është ndoshta vendi më i mbrojtur në Ukrainë, pasi aty vendosen edhe zyrat e presidentit, kabinetit dhe bankës qendrore.
Fotot në Telegram treguan të paktën katër pjesë mbetjesh të shpërndara në tokë pranë ndërtesës së parlamentit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
