6-vjeçarja që u bë virale në rrjet, kërcejnë bashkë me të atin/ E ëma: I njeh të gjitha vallet që në moshën 3-vjeçare

6-vjeçarja Ardea Shqipe, e ftuar në studion e “Zgjohu me MCN” së bashku me të ëmën, Maresën, tregoi pasionin e saj për kërcimet popullore, të cilin e ka kultivuar që në moshë shumë të vogël.

Videoja e Ardeas, ku ajo kërce me të atin, është bërë virale në rrjetet sociale.

 E ëma rrëfeu se pasioni i vajzës për vallet tradicionale nisi falë gjyshit, i cili që 3 vjeç ia ka mësuar vallen e Kukësit.

Nuk e morëm me mend qe video do behej virale. Ne e kemi futur që përpara në kurse kërcimi, sepse e pashë që e ushtronte me shumë dëshirë. 

Ardea zhvillon edhe akrobaci. E kam futur edhe në kursin e akrobacisë. Edhe pse është e vogël, shpesh është stërvitur me grupmoshat më të mëdha.

Ardea i di pothuajse të gjitha vallet popullore, ndonëse herë pas here ka vështirësi me ritmin.
Nuk e prisnim që videoja të bëhej virale. Ajo vetë nuk e ka ende konceptin e virales. 

Dëshiroj që Ardea të bëhet kërcimtare profesioniste dhe për këtë arsye e ka marrë shumë seriozisht ndjekjen e kurseve të valleve.

Ardea:
Mua më pëlqejnë si vallet popullore, ashtu edhe kërcimet moderne, por vallet i dua pak më shumë. 

Më shumë më shijon të kërcej me të gjithë, por sidomos me babin.