Shërbimi sekret rus dyshohet se po mban peng një gazetare ukrainase, raporton media "Hromadske".
Media ukrainase raporton se gazetarja e tyre Victoria Roshchyna besohet të jetë marrë peng rreth datës 15 mars nga Shërbimi i Sigurisë Federale ruse (FSB) ndërsa ishte duke raportuar.
Në deklaratën e medias ukrainase thuhet: Gazetarja jonë Victoria Roshchyna mbahet peng nga pushtuesit rusë. Ajo po raportonte nga pikat e nxehta në Ukrainën Lindore dhe Jugore që nga fillimi i luftës ruso-ukrainase. Më 12 mars, ne nuk mund të kontaktonim Victoria-n.
Siç mësuam nga dëshmitarët, asokohe gazetarja ndodhej në Berdiansk, që ishte përkohësisht i pushtuar. Më 16 mars, mësuam se një ditë më parë (ndoshta më 15 mars), Victoria Roshchyna u arrestua nga FSB-ja ruse. Nuk e dimë vendndodhjen e saj aktuale. I bëjmë thirrje komunitetit ukrainas dhe ndërkombëtar të na ndihmojë për të gjetur dhe liruar Victoria Roshchyna-n”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
