Kreu i PD Lulzim Basha ka folur pas takimit me komisionerin për Zgjerim të BE-së, Olivér Várhelyi, ku thotë se gjatë takimit kanë diskutuar për zgjidhjen e krizës së rëndë politike në Shqipëri, përmes zgjedhjeve të lira e të ndershme, dhe hapjen e negociatave.
Kryedemokrati përmes një deklarate për mediat bëri me dije se zgjidhja e krizës politike dhe reforma zgjedhore janë dy objektiva madhore.
“Komisioneri Varhelyi më prezantoi me strategjinë që do të paraqes ai dhe presidentja e re e Komisionit, strategji të cilën unë dhe opozita e mbështesim plotësisht. Nga ana jonë prezantuam dhe gjetëm dakordësi të plotë se zgjidhja e krizës së rëndë politike në Shqipëri, përmes zgjedhjeve të lira dhe të ndershme të paraprira nga një reformë zgjedhore dhe zbatimi i saj sipas kushteve të Bundestagut dhe hapja e negociatave të anëtarësimit janë dy objektiva madhore në harmoni dhe në përputhje të plotë me njeri-tjetrin. Mirëprita ndihmën e BE që mundësoi dialogun politik për reformën zgjedhore jashtë parlamentit ilegjitim, të dalë nga krimi i organizuar si hap i parë për të çuar drejt demokracisë reale në Shqipëri, ku qytetarët dhe jo kriminelët dhe krimi të zgjedhin pushtetarët që nga parlamenti, qeveria, kryebashkiakët e kështu me radhë”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
