WikiLeaks ka freskuar data-bazën e të dhënave të quajtur Vault-7, të cilat kanë rrjedhur nga agjencia amerikane CIA.
Në mesin e të dhënave më të reja ndodhen edhe një sërë detajesh për softuerin, të cilin CIA e ka përdorur për dhjetë vjet për të hakuar çdo ruter shtëpiak dhe t’i shndërrojë ata në pajisje përgjimi, transmeton KosovaPress.
Ruterët në këtë mënyrë mund të mbikëqyrin gjithë qarkullimin e internetit hyrës dhe kthyes të përdoruesve, por edhe të infektojë pajisjet e lidhura me të.
Detajet e reja kanë të bëjnë me projektin CherryBlossom, detyra kryesore e të cilit ka qenë kompromentimi i rrjeteve Wi-Fi të ruterve dhe AP, të cilët përdoren në shtëpi, kompani dhe vendet publike. CIA nuk ka pasur nevojë që të ketë qasje fizike për të infektuar pajisjen, por e tëra është zhvilluar përmes rrugës së internetit – ekspertët e tyre në ruterin e “targetuar” kanë hedhur firmware-n e quajtur FlyTrap dhe në këtë mënyrë e kanë vënë pajisjen nën mbikëqyrje, në mënyrë që pronarët e ruterit në asnjë mënyrë të mos mund të dyshojnë se pajisja e tyre është e kompromituar.
E gjithë kjo ka ndodhur qysh nga viti 2007 dhe viktima të sulmit CherryBlossom kanë qenë ruterët e prodhuesve të njohur Linksys ose D-Link.
Të dhënat e WikiLeaks zbulojnë se për këtë lloj përgjimi është përdorur protokolli Universal Plug and Play (UPnP), për të cilin ekspertët e sigurisë ka kohë që kanë alarmuar se paraqet rrezik të caktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
