Platforma e mediave sociale e Donald Trump, ‘Truth Social’, është lançuar, në një formë të kufizuar, në Apple App Store në SHBA.
Aplikacioni kishte ngjashmëri me Twitter-in, vunë në dukje komentuesit. Trump u ndalua nga Twitter, Facebook dhe YouTube vitin e kaluar.
Disa përdorues të hershëm kishin vështirësi në regjistrimin e llogarive. Drejtuesi i projektit dhe ish-kongresmeni Devin Nunes tha se pritej të ishte plotësisht funksional deri në fund të marsit.
Disa prej atyre që përpiqeshin të regjistroheshin u ishte thënë: "Për shkak të kërkesës masive, ne ju kemi vendosur në listën tonë të pritjes," raportoi agjencia e lajmeve Reuters.
Krijuar nga Trump Media & Technology Group (TMTG), Truth Social më parë ishte vënë në dispozicion të rreth 500 testuesve beta.
Truth Social ka pasur tashmë një përditësim për "ndreqjet e gabimeve", sipas App Store, dhe tani është në versionin 1.0.1.
Twitter e ndaloi ish-presidentin pas trazirave të Kongresit të SHBA të 6 janarit 2021, duke thënë se ai kishte thyer rregullat e tij për dhunë.
Në uebsajtin e tij, Truth Social e përshkruan veten si një "platformë e mediave sociale që inkurajon një bisedë të hapur, të lirë dhe të ndershme globale pa diskriminuar ideologjinë politike".
Trump dëshiron që Truth Social të mbrojë "fjalën e lirë" dhe të shmangë "censurën" e faqeve si Twitter dhe Facebook.
Time for some Truth!!! pic.twitter.com/jvyteDb5gW
— Donald Trump Jr. (@DonaldJTrumpJr) February 15, 2022
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
