Një 59-vjeçar u arrestua nga policia e Gjirokastrës, pasi në banesën ku jetonte u gjet një sasi prej 90 kilogramë kanabis sativa. Hajri Dervishi jetonte në shtëpinë e një të afërmi, i cili ia kishte lënë shtëpinë për t’u kujdesur për të, pasi vetë jetonte në Greqi.
Njoftimi i policisë
“Shërbimi për Çështjet e Brendshme dhe Ankensat në Ministrinë e Punëve të Brendshme ka marrë një informacion nga një burim anonim se në lagjen “Pllakë”, Gjirokastër, në banesën e shtetasit H.X., i cili prej dy muajsh jetonte familjarisht në shtetin Grek, kishte lëndë narkotike. Banesa e këtij shtetasi mirëmbahej nga një i afërmi i tij. Në bazë të këtij informacioni u krye kontroll në këtë banesë. Si rezultat i operacionit rezultoi se në një nga ambjentet (qilarin) e shtëpisë u gjet e ambalazhuar në 17 thasë një sasi prej 90 kilogramë lëndë narkotike Cannabis Sativa dhe një arkë me fishekë.”
U bë ndalimi i shtetasit (presoni që mirëmbante shtëpinë) :
Hajri Dervishi, 59 vjeç, banues në lagjen “Puntore”, Gjirokastër.
Si dhe u bë shpallja në kërkim e shtetasit:
H.X. (pronari i shtëpisë).
Materialet i kaluan Prokurorisë Pranë Gjykatës së Shkallës së Parë Gjirokastër për veprat penale “Prodhim dhe shitje të narkotikeve e kryer në bashkëpunim” dhe “Prodhim dhe mbajtje pa leje e armëve luftarake dhe municionit e kryer në bashkëpunim” të parashikuar nga nenet 283/2 dhe 278/2 të Kodit Penal.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
