Netanyahu: Hamasi të nxjerrë listën me pengjet që do të lirohen

Kryeministri i Izraelit ka paralajmëruar se marrëveshja e armëpushimit me Hamasin është në rrezik.

Benjamin Netanyahu nuk do të vazhdojë me marrëveshjen derisa Hamasi të nxjerrë një listë me 33 pengjet që do të lirohen.

“Ne nuk do të ecim përpara me skicën derisa të marrim listën e pengjeve që do të lirohen, siç është rënë dakord.

 Izraeli nuk do të tolerojë shkeljet e marrëveshjes. Përgjegjësia e vetme është e Hamasit”, tha zyra e tij në një deklaratë.

Qeveria izraelite ka miratuar një marrëveshje për një armëpushim në Gaza dhe lirimin e dhjetëra pengjeve në këmbim të të burgosurve palestinezë që do të ndalojë luftën 15-mujore me Hamasin për gjashtë javë.

Qeveria njoftoi miratimin mbrëmë dhe konfirmoi se armëpushimi do të hyjë në fuqi të dielën.

Ndërmjetësuesit në Katar dhe SHBA njoftuan armëpushimin të mërkurën. Në fazën e parë, marrëveshja do të bënte që 33 nga 98 pengjet të liroheshin gjatë gjashtë javëve. Pjesa tjetër do të lirohet në një fazë të dytë që do të negociohet gjatë së parës.

Nga 990 deri në 1650 të burgosur dhe të paraburgosur palestinezë do të lirohen në këmbim, në varësi të numrit të pengjeve të liruara.