Shumë kohë para se Les Milne të fillonte të shfaqte shenjat treguese të sëmundjes Parkinson, gruaja e tij Joy, e ashtuquajtur "super nuhatëse" e aftë për të zbuluar aroma tepër delikate që shumica e njerëzve nuk mund t'i perceptojnë, ndjeu se diçka po ndodhte. Por ndërsa Joy për herë të parë vuri re një "lloj aromë drusore, muskulore" që buronte nga burri i saj rreth 12 vjet para diagnozës së tij, vetëm kur çifti më vonë morën pjesë në një grup mbështetës të Parkinsonit që ajo e kuptoi se aroma e veçantë ishte e lidhur me çrregullimin degjenerues.
Tani mësohet se studiues nga Universiteti i Mançesterit kanë përfituar nga aftësitë e pazakonta të Milne për të identifikuar katër përbërës përgjegjës për prodhimin e aromës sinjalizuese të sëmundjes Parkinson. Gjetjet e tyre, të botuara në ‘ACS Central Science’, mund të ndihmojnë një ditë mjekët të zbulojnë sëmundjen përpara se të shfaqen simptomat, duke hapur një rrugë për trajtimet parandaluese që synojnë të vonojnë fillimin e dobësimit të funksionit të motorit.
Gjatë një takimi të Milne me shkencëtarët, ajo i pyeti pse ata që kanë këtë sëmundje mbajnë një aromë të veçantë.
"Të sëmurët me Parkinson shpesh humbin nuhatjen e tyre, kështu që unë mendova se kjo ishte ajo për të cilën ajo po referohej fillimisht. Ajo sqaroi se po pyeste për një erë unike të trupit, e cila më befasoi plotësisht”, tha neurologu Tilo Kunath.
Për të provuar nuhatjen e Milne, Kunath i kërkoi asaj të klasifikonte 12 bluza të veshura nga një përzierje individësh të shëndetshëm dhe pacientëve të diagnostikuar me sëmundjen. Rezultatet ishin mbresëlënëse: Jo vetëm që identifikoi të gjashtë bluzat që u përkisnin të sëmurëve me Parkinson, por siç vëren McFadden, ajo gjithashtu zgjodhi një këmishë të veshur nga një subjekt i testit, i cili nuk ishte diagnostikuar me Parkinson deri tetë muaj pas eksperimentit.
Me ndihmën e Milne, shkencëtarët izoluan katër përbërje të shoqëruara me aromën e veçantë të Parkinsonit: Tre prej tyre, eikozani, acidi hipurik dhe oktadekanali - u shfaqën në nivele më të larta se mesatarja mes pacientëve me Parkinson, ndërsa ishte i pranishëm një aldehid i katërt, perilik në nivele të reduktuara.
Shkencëtarët shpresojnë të vlerësojnë nëse teknika e tyre është e aftë të zbulojë sëmundjen degjenerative më herët se metoda aktuale, e cila përfshin mjekët që arrijnë në një diagnozë duke përdorur simptoma të vëzhgueshme.
Les Milne, pacienti beteja e të cilit me Parkinson dha shtysën për studimin e ri, vdiq në 2015-n. Duke reflektuar se si metoda e zbulimit të hershëm që ajo ka ndihmuar mund të ketë ndikuar në familjen e saj, Joy Milne thotë për BBC News, "Kjo do t’i kishte ndryshuar gjërat në mënyrë dramatike".
Burimi: SmithsonianMag
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
