Avokati i kryebashkiakut të Tiranës, Plarent Ndreca, ka mbërritur në ambientet e GJKKO-së, ku pritet të zhvillohet seanca gjyqësore ndaj Erion Veliajt.
Burime nga gjykata bëjnë me dije se seanca e sotme pritet të shtyhet sërish. Ndërkohë, Erion Veliaj nuk është i pranishëm në sallën e gjyqit, por përfaqësohet përmes një deklarate.
GJKKO i pezulloi Veliajt më herët dhe afatet e paraburgimit. Po ashtu, Gjykata i ka rrëzuar edhe kërkesën për transmetim live të seancës dhe daljen nga kafazi.
Sipas prokurorit Ols Dado, qëndrimi në kafaz nuk përbën trajtim poshtërues, por është garanci për zhvillimin e procesit.
Për transmetimin live, gjykata thotë se është shprehur më herët dhe kamerat do të lejohen vetëm në nisje të seancave, gjatë pjesës teknike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
