Ushtria ukrainase thotë se forcat ruse po vijojnë me sulmet e tyre në Bakhmut dhe Avdiivka në Donetsk, dy qytete që janë granatuar vazhdimisht që nga vera e kaluar, por mbeten në duart e Ukrainës.
Shtabi i Përgjithshëm tha këtë të diel se rusët kryen ofensiva të pasuksesshme në drejtim të Avdiivka-s dhe Lyman-it.
Ata vazhdojnë të tentojnë një ofensivë në drejtim të Bakhmut, duke rritur intensitetin e përdorimit të tyre të avionëve. Në drejtime të tjera ata janë në mbrojtje.
Po ashtu shtabi bëri me dije se njësitë ukrainase kishin zmbrapsur sulmet në rajonet e Luhansk-ut dhe Donetsk-ut, duke identifikuar gati një duzinë vendbanimesh.
Pati gjithashtu granatime të vendbanimeve në rajonin e Kharkiv që u çliruan në shtator.
Shtabi i Përgjithshëm tha se njësitë e raketave dhe artilerisë ukrainase kishin goditur dy zona të përqendrimit të trupave ruse, pa specifikuar se ku.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
