Për shkak të pandemisë së koronavirusit, e gjithë rrjedha e punës së Komisionit të Reformës Zgjedhore ndryshoi dhe pas një pauze, komisioni ka vendosur të fillojë punën online.
Siç njoftohet, Komisioni do të mblidhet online më datën 6 maj. Mësohet se qëllimi i kësaj mbledhjeje është informimi i anëtarëve të këtij Komisioni mbi ecurinë e Reformës gjatë kësaj periudhe pandemie.
Gjate kësaj mbledhjeje, mësohet se dy bashkëkryetarët, Damian Gjiknuri dhe Rudina Hajdari do të informojnë deputetët anëtare të këtij komisioni për ecurinë e deritanishme të procesit të reformës, nga momenti i krijimit të Këshillit Politik me pjesëmarrjen e opozitës jashtë parlamentare dhe deri në fillim te muajit Mars kur puna u ndërpre për shkak të pandemisë së COVID-19.
Afati i këtij Komisioni është shtyrë deri më 30 qershor, për shkak se mbledhja e fundit u zhvillua më 9 mars.
Drafti për reformën fillimisht ishte vendosur që të përfundonte në 15 mars, datë e cila do të sillte edhe largimin e ekspertëve të OSBE, të cilët do të asistonin në zgjidhjen e pikave për të cilat nuk arrihet një marrëveshje mes palëve politike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
