Muzeu Historik Kombëtar solli sot në vëmendje 11 majin e vitit 1771, datë kur lindi admiralja arvanitase Dhaskarina Pinoçi, e mbiquajtur Laskarina Bubulina.
Kapedania trime arvanitese Laskalina lindi në ishullin e Hidrës.
Mbiemrin "Bubulina" e gëzoi pas martesës me Dhimitër Bubulinin, i cili do ta përafronte atë më shumë drejt përqasjes së krijimit të një fronti antiosman.
Admiralja do të gëzonte respektin e marinarëve dhe të piratëve të kohës, pasi ajo do të zotëronte forcën e saj në detet që drejtoheshin nga Perandoria Osmane, si edhe nga flota ruse. Bashkë me Kolokotronin do të bënin të mundur fitoren e një sërë betejash antiosmane, të ndihmuar shpeshherë edhe nga Ali Pashë Tepelena.
Ishte 50 vjeçe kur shpërtheu revolucioni grek, dhe u bë pjesë e luftës për lirinë e Atdheut të të parëve të saj. Nuk numërohen betejat që ajo i drejtoi me trimëri. Në njërën prej tyre ra heroikisht edhe djali i saj Jani.
Me emrin dhe trimërinë e saj ngriti më këmbë 200 mijë arvanitas kundër pushtuesve osmanë, u bë shembull heroizmi, u kthye në një legjendë të pavdekshme, në një figurë hyjnore që e lartëson historinë e popullit tonë.
Kapedanet e mirëpresin fatin e tyre tragjik në betejë.
Mirëpo, Bubulina do pësonte vdekjen nga dora e një arvanitasi (familja Koçi), si pasojë e një armiqësie familjare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
