Petra ka një thesar të ri: një grup arkeologësh kanë zbuluar një varr që përmban mbetjet e të paktën 12 skeleteve dhe shumë artefakte.
Studiuesit vlerësojnë se ato datojnë të paktën 2000 vjet më parë. Për një rastësi të çuditshme, mes artefakteve arkeologët gjetën edhe një kupë, ashtu si protagonisti i Gralit të Shenjtë të filmit të Spielberg.
Ekipi i Qendrës Amerikane të Kërkimit, i udhëhequr nga arkeologu Pearce, Paul Creasman, po kryente një mision eksplorimi në vend.
Në fakt, që kur u gjetën dy varre nën anën e majtë të monumentit në vitin 2003, disa arkeologë kanë dyshuar se thesare të ngjashme mund të gjenden edhe nën anën tjetër, atë të djathtë.
Megjithatë, për të filluar gërmimet, studiuesit kishin nevojë për prova: për këtë arsye Creasman dhe bashkëpunëtorët e tij studiuan nëntokën e zonës përmes një radari depërtues në tokë.
Në këtë mënyrë ata zbuluan sinjale që tregonin karakteristika fizike të ngjashme me ato të gjetura në anën e majtë, e cila është një e dhënë e mjaftueshme për të dyshuar se mund të ketë edhe varre të tjera nën anën e djathtë.
Sipas supozimeve të Creasman, mbetjet e gjetura i përkasin anëtarëve të Nabataeans, një popullsi e lashtë nomade arabe, të cilët banonin në Arabinë e lashtë midis shekullit të 4-të para Krishtit dhe 106 pas Krishtit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
