Gazetari i ekonomisë Klodian Tomorri e ka cilësuar hapjen e “kutisë së Pandorës” si skandalin e radhës të disa skandfaleve të parajsave fiskale.
Nga të dhënat për Pandora Papers ku thuhet se janë të përfshirë 336 politikanë, ndër ta edhe një politikan shqiptar, por nuk ka të dhëna për identitetin e tij. Parajsat fiskale sqaroi Tomorri ekzistojnë për të ofruar fshehtësi për ata që bëjnë transaksione të jashtëligjshme dhe e dyta për të shmangur detyrimet tatimore.
“Është skandali i radhës në vijon të disa skandaleve të parajsave fiskale. Para 2-3 vitesh rrodhën të dhëna që zbuluan sekrete pas të cilave fshihen njerëz me pushtet apo biznese. Parajsat fiskale ekzistojnë për të ofruar fshehtësi për ata që bëjnë transaksione të jashtëligjshme dhe e dyta për të shmangur detyrimet tatimore. Ato janë vende që ofrojnë regjim tatimor shumë të butë dhe bizneset që zhvillohen në Gjermani apo SHBA kanë detyrime më të rënda se parasjat fiskale dhe zgjedhin ato për një barrë fiskale më të ulët. Një kompani serioze nuk ka pse shkon në parajsa fiskale. Të dhënat janë të dyshimta dhe duhet të hetohen”, tha Tomorri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
