Përfaqësues të tri subjekteve opozitare, Vetëvendosje, AAK dhe Nisma, kanë dorëzuar në Kuvend mocionin e mosbesimit për rrëzimin e Qeverisë.
Pal Lekaj, shef i grupit parlamentar të Aleancës për Ardhmërinë e Kosovës ka thënë se këto tre vitet e fundit kanë qenë të rënda për qytetarët e Kosovës dhe opozitën. Ai është shprehur i bindur se mocioni do të votohet nga të gjithë deputetët.
Iniciuesja e këtij mocioni Valdete Bajrami që është edhe shefe e Grupit Parlamentar të Nismës falënderoi, të cilët e kanë nënshkruar mocionin për rrëzimin e Qeverisë.
Ajo po ashtu ka kërkuar nga deputetët që nuk e kanë nënshkruar mocionin që në Kuvend ta votojnë atë.
Ndërsa deputetja e Lëvizjes Vetëvendosje Aida Dërguti, ka thënë se deputetët duhet të vendosin në të mirë të vendit duke votuar për ta rrëzuar Qeverinë e kryeministrit Isa Mustafa.
Mocionin për rrëzimin e Qeverisë e kanë nënshkruar gjithsej 42 deputetë ku përveq deputetëve nga opozita firmën e kanë vënë edhe deputetë të PDK-së dhe ato nga minoritetet.
Për ta shqyrtuar kërkesën e partive opozitare Kryesia do të mblidhet në orën 14:00./KosovaPress/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
