Ukraina ka hapur 7 “korridore humanitare” të enjten për të ndihmuar civilët të largohen nga qytetet e rrethuara nga forcat ruse, duke përfshirë portin jugor të Mariupolit, tha zëvendëskryeministrja e vendit Iryna Vereshchuk.
Korridoret humanitare janë zona ku aktiviteti ushtarak ndërpritet përkohësisht për të lejuar kalimin e sigurt të civilëve.
Të evakuuarit tashmë kanë filluar të largohen nga qyteti verilindor i Sumy-t nën një armëpushim lokal, thotë guvernatori rajonal.
Ukraina dhe Rusia kanë rënë dakord për krijimin e korridoreve humanitare dhe do të zhvillojnë bisedime në Turqi gjatë ditës së sotme.
Bisedimet vijnë pasi Ukraina akuzoi Rusinë për bombardimin e një spitali të fëmijëve në Mariupol, një sulm që Kievi e konsideroi “krim lufte”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
