Nador Bakalli, Anëtar i Kryesisë, Diaspora për Shqipërinë e lirë deklaroi përmes një lidhje “Skype” me studion e emisionit “MCN Economy” se largimi i të rinjve nga Shqipëria po ndodh pasi ata nuk gjejnë bazat kryesore në vend si arsimi, shëndetësia, drejtësia.
Duke vijuar shpjegimin e tij, Bakalli tha se po ndahen familjet dhe se shteti nuk duhet ta shohë si mundësi që të përmbushë vakumet e vendit me afganë apo njerëz nga Bangladeshi.
Ka shumë gjera që emigracioni i prek. Shpopullimi vendit është fenomen negativ që shtrihet prej shumë vitesh dhe është në rritje, prisnim që pas 32 vitesh të frenohej dhe të rifillohej rikthimin. E patë çfarë ndodhi në La Mansh, aty ishte dhe një djalë shqiptar. Rinia shqiptare çan ferrën, dhe gjen emigracionin si të vetmen mundësi. Ekonomia e vendit, nuk përmbush asnjë vakum pasi ikin mjekët infermierët e mësuesit. Po ndahen familjet, po ngelen të moshuarit, rinia po merr risqe të jashtëzakonshme. Po ikin me metoda johumane. Vendi nuk ofron as mundësitë minimale për të ardhmen e të rinjve, s’ka arsim, as shëndetësi, as drejtësi të pavarur, s’ka asnjë nga fondamentet që kemi gjetur në perëndim. Nuk duhet të merremi të zëvendësojmë shqiptarët. Nuk mundet t1ë mbushet vakumi i një vendi homogjen me minoritete, kjo është llafollogji, fokusi duhet të jetë tek fondamentet bazë.
Inflacioni në Kanada është më i ulët se në Shqipëri sidomos për artikujt e shportës. Unë gjykoj, këto remitanca çohen për të mbajtur familjet gjallë nuk kanë ndikuar shumë. Kanë ndikuar dhuratat e luksit, apo gjërat jo të domosdoshme për familjet. Një njeri që është emigrant dhe ka familjen këtu do e çojë remitancën, inflacion ose jo.
Është mëse normale dhe ndodh që në të gjithë botën profesionistët të lëvizin. Po ka diferencë se dikush ikën se emigracioni është e vetmja mundësi, dhe kur një profesionist largohet për një mundësi. Ne jemi tek e para. Një profesionist, përveç të ardhurave që po i shterojnë nga inflacioni dhe taksat ata përballet me një mungesë shprese për të ardhmen. Ne flasim për t’i siguruar këtij profesionisti mundësi. Shqipëria shpenzon nga PBB vetëm 2% për arsimin. Shifra që kur profesionisti i sheh thotë çfarë pune kam unë këtu. Duhen parë fondamente se çfarë ofron qeveria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
