Që prej mëngjesit të së dielës, njësitet e FSK-së dhe policia e Kosovës vijojnë kërkimet për dy policët e zhdukur në lumin Lepenc.
Aksidenti ka ndodhur mbrëmjen e së shtunës.
Përveç Policisë së Kosovës dhe FSK-së në këtë operacion janë angazhuar, zjarrfikësit dhe KFOR-i. Kërkimet po kryhen edhe në territorin e Maqedonisë, ku shtrihet lumi Lepenc.
Dy policët e Kosovës, Armend Trena dhe Malësor Dashi, ndërsa udhëtonin me mjetin e policisë tip “Nissan”, dolën nga rruga në magjistralen Kaçanik-Hani i Elezit dhe përfunduan në lumë.
Deri më tani është gjetur vetëm automjeti.
Dy policët e zhdukur kishin pak kohë që ishin bërë pjesë e Policisë së Kosovës. Në momentin kur ndodhi aksidenti, ata ishin në orar të punës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
