Inteligjenca amerikane, e ndarë për shkaqet e sindromës së Havanës

<p>Komuniteti i inteligjencës amerikane është i ndarë për shkakun e Sindromës së Havanës, një gjendje misterioze shëndetësore që ka prekur shumë diplomatë amerikanë të vendosur në selitë diplomatike jashtë vendit, sipas një raporti të ri të qeverisë të publikuar të premten. Ndërsa shumica e agjencive besojnë se është "shumë e pamundur" që gjendja të jetë rezultat i një sulmi të sofistikuar nga një fuqi e huaj, disa zyrtarë mendojnë se një kundërshtar mund të kishte krijuar një pajisje që shkakton sëmundjen.</p> <p>Simptomat e sindromës përfshijnë dhimbje koke, marramendje, të përziera, humbje dëgjimi, probleme me kujtesën dhe vështirësi në përqendrim. Gjendja u identifikua për herë të parë mes stafit të ambasadës amerikane në Havana, Kubë, në vitin 2016.</p> <p>Raportime për simptoma të nagjshme ka pasur që atëherë edhe në Kinë, Rusi, Amerikën e Jugut, Australi dhe disa vende të tjera, me një total prej më shumë se 1 500 raste të regjistruara globalisht.</p> <p>Ndërsa qeveria amerikane ka hetuar në mënyrë aktive çështjen për vite me radhë, deri më tani nuk ka qenë në gjendje të përcaktojë shkakun e gjendjes. Versionet që shihen si më të mundshme nga komuniteti shkencor përfshijnë faktorë mjedisorë, situata stresi ose armë me energji të drejtuar.</p> <p><img alt="Fibank" src="https://www.mcntv.al/sites/default/files/fibank8.gif">Sipas një raporti të përpiluar nga Këshilli Kombëtar i Inteligjencës i SHBA-së, pesë agjenci të inteligjencës amerikane vazhdojnë "të vlerësojnë se është "shumë e pamundur" që një kundërshtar i huaj të jetë përgjegjës për ngjarjet e raportuara si incidente të mundshme anormale shëndetësore.</p> <p>Megjithatë, dy agjencitë e mbetura – të cilat nuk janë identifikuar në raport – janë larguar nga kjo pikëpamje. Një agjenci deklaroi se ka një "përafërsisht një shans" që një aktor i huaj "ka përdorur në të vërtetë një armë të re ose pajisje prototip për të dëmtuar" personelin amerikan. Një agjenci tjetër, ndërkohë, thotë se ekziston &nbsp;një mundësi "përafërsisht e barabartë" që një armë e tillë të ishte zhvilluar nga ndonjë aktor i huaj. Megjithatë, të dyja agjencitë kanë besim të ulët në këto vlerësime.</p> <p>Duke komentuar raportin, një zyrtar i lartë amerikan i paidentifikuar i tha Neë York Times se "përfundimi është se misteri mbetet", duke shtuar se qeveria duhej të ishte e hapur ndaj faktit se "ne nuk i kemi të gjitha përgjigjet".</p> <p>Shumë kanë spekuluar duke bërë Rusinë përgjegjëse për sindromën, por Moska e ka hedhur poshtë këtë duke i quajtur "akuza të pabazuara mediatike".</p>