Liderët e disa vendeve qendrore dhe evropiane po bëjnë presion mbi Bashkimin Evropian për të ngritur një "mekanizëm korrigjues", me anë të të cilit të korrigjohen pabarazitë në shpërndarjen e vaksinave brenda bllokut prej 27 vendesh.
Kancelari austriak Sebastian Kurz priti homologët e tij çekë, bullgarë dhe sllovenë në Vjenë të martën, ndërsa liderët letonezë dhe kroatë u bashkuan me anë të videokonferencës, për kërkesën që ai e ngriti për herë të parë javën e kaluar.
Gjatë takimit, liderët thanë se megjithëse BE kishte rënë dakord për shpërndarjen e vaksinave mbi bazë për frymë, disa vende kanë marrë shumë më tepër se të tjerët.
Kurz tha se disa vende anëtare mund të vaksinojnë popullsinë e tyre nga mesi i majit, por të tjerët mund të zgjasin deri në 10 javë më shumë, dhe "kjo do të krijojë tension brenda Bashkimit Evropian dhe nuk do të kuptohet nga evropianët".
Kryeministri bullgar Bojko Borisov tha se zgjedhjet do të mbahen në vendin e tij brenda dy javësh (4 prill) dhe "ne duam të vaksinojmë njerëzit në mënyrë që ata të mund të votojnë në paqe."
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
