Pas një fushate elektorale të përqendruar në temat e imigrimit, të islamizimit dhe të refugjatëve dhe një gare të populistëve nga e djathta dhe fare nga e djathta, shancet më të mira për të fituar zgjedhjet i ka kandidati i konservatorëve, Sebastian Kurz.
Kancalari aktual dhe shefi i social-demokratëve Christian Kern parashikohet sipas anketimeve që të zërë vendin e dytë. Për shkak të debateve të vazhdueshme për temat e imigrimit, islamizimit, refugjatëve dhe të mbrojtjes së kufirit gjatë fushatës zgjedhore në Austri, pritet që partia populiste e djathtë FPÖ me kandidatin e saj kryesor Heinz-Christian Strache të fitojë mjaft vota.
Islamizimi dhe imigrimi tema të fushatës
Sebastian Kurz, kandidati kryesor i Partisë Popullore Austriake (ÖVP), tha gjatë fushatës elektorale se do t'i mbrojë më mirë kufijtë e vendit, do të luftojë islamizmin politik dhe ta kufizojë imigrimin.
Partia opozitare Partia e Lirisë (FPÖ) propagandon në thelb të njëjtën gjë, por mendon se temat e saj ia kanë vjedhur të tjerët. Kështu që fushata elektorale e kandidatit kryesor të FPÖ, Heinz-Christian Strache në pjesën më të madhe përbëhej nga kritika ndaj ministrit të Jashtëm Sebastian Kurz. Sipas Straches, Kurzit i mbërrijnë valët me vonesë, ai e kuptoi vite më pas FPë-së rëndësinë e disa temave si islamizimi dhe imigrimi.
Gjatë fushatës u publikua edhe një studim, në bazë të të cilit një në tre xhami në Vjenë punon në mënyrë aktive kundër integrimit të suksesshëm. Studimin e kishte porositur dhe e prezantoi kandidati kryesor i ÖVP, Sebastian Kurz. Problemi në këtë studim: prej rreth 400 xhamive në Vjenë, për studimin u shfrytëzuan vetëm 16. Bashkësia Islamike në Austri (IGGiÖ) reagoi menjëherë dhe në mënyrë jashtëzakonisht kritike: "Ne besojmë se bëhet fjalë për një studim të porositur, që ndjek synime politike: kallëzim publik të institucioneve myslimane dhe vënien në pikëpyetje të doktrinës së tyre. Me etikë shkencore, kjo porosi politike nuk ka asgjë të përbashkët", thuhet në një deklaratë të IGGGiÖ. / DW /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
