Tentoi të vriste një person në Korçë, kapet në Greqi për t’u ekstraduar

Një person i cili tentoi të vriste një tjetër në Korçë në muajin shkurt, është kapur në Greqi me qëllim ekstradimi drejt vendit tonë.

Në kuadër të operacionit të koduar “The Wanted”, për sigurimin dhe shkëmbimin e informacionit mbi vendndodhjen e shtetasve në kërkim ndërkombëtar, u mundësua lokalizimi në Greqi, kapja dhe arrestimi me qëllim ekstradimin në Shqipëri, i Denis Meçollit alias Deni Meçolli, 39 vjeç. 

I ndaluari ishte shpallur në kërkim ndërkombëtar pasi Gjykata e Shkallës së Parë e Juridiksionit të Përgjithshëm Korçë, me vendimin e datës 9 shkurt, i ka caktuar masën e sigurisë “Arrest në burg”, për veprën penale “Vrasja me dashje”, mbetur në tentativë. 

Meçolli akuzohet se më datë 4 shkurt, në qytetin e Korçës, ka tentuar të vrasë shtetasin Ergys Shtylla, 40 vjeç, duke e goditur me thikë.