Kreu i grupit mercenar rus Wagner, Evgheni Prigozhin, tha se sanksionet evropiane ndaj tij dhe kompanisë kontraktore që ai themeloi janë të justifikuara dhe ai nuk ka ndërmend t'i kundërshtojë ato në gjykatë.
“Për sa i përket kontestimit të sanksioneve kundër meje dhe kompanisë PMC Wagner, unë nuk do t'i kundërshtoj ato dhe besoj se ato janë vendosur në mënyrë mjaft të arsyeshme për momentin”, tha ai në një deklaratë.
Prigozhin është një aleat i presidentit rus Vladimir Putin dhe mercenarët e tij kanë luftuar për muaj të tërë për të pushtuar qytetin Bakhmut në Ukrainën lindore. Ai e lëshoi deklaratën pasi një gjykatë evropiane përmbysi sanksionet e BE-së të vendosura ndaj nënës së tij, Violetta Prigozhina, duke vendosur se lidhja e saj me veprimet e djalit të saj në Ukrainë nuk ishte provuar.
Bashkimi Evropian ka vendosur ndalime vizash dhe ngrirje të aseteve për shumë rusë të akuzuar se kanë luajtur një rol në konflikt, duke filluar në mars 2014, kur Moska pushtoi gadishullin e Krimesë të Ukrainës.
Në shkurt të vitit të kaluar, një ditë para se Rusia të niste një fushatë ushtarake në Ukrainë, Brukseli përditësoi listën e zezë me disa emra, duke përfshirë atë të nënës 83-vjeçare të Prighozin. Më pas gruaja apeloi vendimin dhe sot gjyqtarët vendosën në favor të saj.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
