Transmetuesi shtetëror rus VGTRK u godit me një sulm hakerimi “i paprecedentë”, tha të hënën zëdhënësi i Presidentit Vladimir Putin.
Në orët e para të mëngjesit të së hënës, të gjitha transmetimet në internet dhe shërbimet e brendshme të kompanisë pushuan së funksionuari, përfshirë shërbimet e transmetimit të kanaleve të njohura televizive dhe radiofonike si Rusia-1 dhe Rusia-24.
Zëdhënësi i Kremlinit, Dmitry Peskov shprehu mbështetjen për transmetuesit rusë dhe tha se specialistët po punonin për të përcaktuar se kush ishte përgjegjës për sulmin në atë që e quajti një “objekt infrastrukturor kritik”.
Gazeta shtetërore e lajmeve Gazeta.ru raportoi se pas sulmit qëndronte grupi i hakerëve i lidhur me Ukrainën “sudo rm-RF”.
Shërbimi për shtyp i transmetuesit shtetëror rus pranoi se kishte qenë objekt i një hakerimi, por tha se asnjë dëm i rëndësishëm nuk u shkaktua në operacionet e grupit mediatik.
Më tej u bë e ditur se gjithçka po funksionon normalisht përsëri dhe se specialistët e VGTRK “po punojnë për të eliminuar pasojat e kësaj ndërhyrjeje keqdashëse”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
