Prej mëse një jave, Valbona është pa energji elektrike.
Një nga atraksionet turistike më të preferuara në veri, edhe në stinën e dimrit, fshati Valbonë po përballet me mungesën e energjisë, për shkak dëmtimit të linjave elektrike.
Sipas banorëve, shkak për dëmtimin e linjës është bërë dëbora, e cila aktualisht arrin një trashësi rreth 40 cm.
Mësohet se përveç këputjes së telave përçues, dëbora ka shkaktuar rënien e një transformatori, i cili ka dalë jashtë funksionit.
Dëbora e një jave më parë dëmtoi disa linja të fshatrave periferike të Tropojës, por ato u riparuan para natës së Vitit të Ri.
Ndërsa banorët e Valbonës e kanë kaluar natën e Vitit të ri pa energji dhe vijojnë të përballen me të njëjtën situatë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
