Kryeministri i Serbisë, Aleksandar Vuçiç, pas mbledhjes së jashtëzakonshme që e thirri sot në mëngjes, pas vendimit të Gjykatës në Colmar për lirimin e Haradinajt, ka reaguar mjaftë ashpër, duke thënë se ky vendim është i ndikuar politikisht, skandaloz dhe i turpshëm.
Vuçiç ka thënë se vendimi i Gjykatës së Colmarit është skandaloz, i ndikuar politikisht dhe i turpshëm, shkruan B92.
“Nuk e kemi ftuar për çokollata dhe ëmbëlsira, por e kemi kërkuar për krime të luftës”, ka thënë Vuçiç, derisa kritikoi ashpër vendimin e Gjykatës në Francë.
Pas përfundimit të mbledhjes, Aleksandar Vuçiç ka thënë se nga Parisi do të thirret ambasadori i Serbisë ndërsa po shqyrtohet mundësia e dërgimit të një note proteste Francës.
Kryeministri dhe kryetari i zgjedhur, Vuçiç, lirimin e Haradinajt e ka quajtur pikëllues, tragjik dhe qesharak.
Ai ka paralajmëruar se ekipi i juristëve serbë do ta shqyrtojë vendimin e gjykatës franceze dhe shteti serb do të marrë vendimet e veta të ardhshme lidhur me këtë lirim, të cilin ai e ka quajtur të paprecedent.
Gjykata në Colmar të Francës e ka refuzuar kërkesën për ekstradimin e Ramush Haradinajt në Serbi, megjithëkëtë, pas një kohe mjaft të gjatë që Haradinaj qëndroi atje.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
