Shtetet e Bashkuara njoftuan të martën se po heqin sanksionet kundër një bashkëpunëtori të ngushtë të kryeministrit hungarez Viktor Orban, një shenjë e marrëdhënieve të ngushta midis Hungarisë dhe administratës Trump.
Sekretari i Shtetit Marco Rubio njoftoi vendimin për të hequr Antal Rogan nga lista e zezë në një telefonatë me homologun e tij hungarez, Peter Szijjarto.
Administrata e mëparshme e Joe Biden vendosi sanksione ekonomike në fillim të janarit kundër shefit të kabinetit të kryeministrit hungarez për përfshirjen e tij në korrupsion.
Antal Rogan, i cili kontrollon shërbimet e inteligjencës dhe të komunikimit, u akuzua se kishte orkestruar skema korrupsioni për të kontrolluar sektorët strategjikë të ekonomisë hungareze dhe për të devijuar të ardhurat në dobi të partisë së tij dhe të logjistikës .
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
