Detaje të reja janë zbardhur nga atentati me tritol që është regjistruar mëngjesin e kësaj të marte në Vaun e Dejës, ku objektiv ka qenë kreu i Rithemelimit në degën e Vaut të Dejës, Benard Ndreca.
Gazetarja Bendis Druni nga vendi i ngjarjes ka bërë me dije se shpërthimi dyshohet se është kryer me telekomandë, ndërsa theksoi se kamerat e shtëpisë së zotit Ndreca do mund të bëjnë të mundur dhe identifikimin e autorëve.
Fillimisht, Benard Ndreca ka ndezur makinën, e ka lënë ndezur dhe është rikthyer në banesë për të marrë diçka. Ai është rikthyer në makinë dhe më pas në momentin që ka qenë duke u nisur, makina e tij tip 'Audi' ka shpërthyer në pjesën e përparme.
Në vendin e ngjarjes janë paraqitur policia dhe prokurori i caktuar kanë kryer veprimet hetimore, teksa ka mbërritur dhe ish-deputeti i PD-së Zef Hila, i cili kandidon më 14 maj për kryetar të bashkisë. E pranishme është edhe deputetja e PD Greta Bardeli.
Sa i përket vetë shtëpia e zotit Ndrecës është i monitoruar me kamera dhe kjo përbën një avantazh sa i përket zbulimit të atentatit. Dyshohet për dy persona që mund të kenë vendosur tritolin në automjetin e zotit Ndreca, por kjo mbetet për tu verifikuar nga policia.
Sa i përket zonës, banesa mund të jetë paksa e veçuar, por në afërsi të kësaj banese ka dhe banesa të tjera dhe shpresat maksimale janë te kamerat e sigurisë së vetë zotit Ndreca. Aktualisht nuk kemi asnjë të shoqëruar.
Në momentin e shpërthimit të gjithë familjarët kanë qenë në shtëpi dhe sigurisht kjo ka shkaktuar panik tek ata sepse sipas dëmtimeve është e dukshme që dhe sasia e tritolit ka qenë e konsiderueshme.
Dyshimet e para të policisë kanë të bëjnë që kjo ngjarje mund të lidhet për shkaqe politike, pra pista kryesore mbetet angazhimi i zotit Ndreca në politikë, por që mbetet për tu verifikuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
