Gjatë fjalës së tij në mbledhjen e kreyesis së Partisë Demokratike, kreu opozitës Lulzim Basha u shpreh se kandidatët e PD-së për deputet do i nënshtrohen “Vettingut”, ndërsa çdo anëtar dhe qytetar duhet të jetë i qetë, pasi kandidatët do jenë të pastër si kristali. Basha tha se çdokujt do i jepet mundësia për të propozuar kandidatët e PD-së për deputet përmes faqes PD.al.
“Kandidatët e PD do i nënshtrohen Vettingut. Çdo anëtar i PD-së të jetë i qetë se kandidatët tanë janë të pastër si kristali. Të mos bëjmë asnjë gabim, kjo është një kthesë për të eliminuar çdo njollë kriminaliteti e korrupsioni nga PD. Ky dimër i ashpër padyshim do apo s’do Rama, do i lërë vendin pranverës. Një pranverë politike për shqiptarët”, tha Basha.
Kryedemokrati ka bërë një rezyme të takimit të koalicionit opozitar duke folur për memorandumin e nënshkruar, ku një nga pikat kryesore është ajo për votimin elektronik.
Ai tha se ky memorandum trajton pikërisht lirinë e votës. “Zgjedhjet e ardhshme janë zgjedhjet që pret dhe dëshiron çdo shqiptar. Sot nënshkruam një memorandum që trajton çështjen më të rëndësishme për shqiptarët, lirinë e votës. Moskriminalizimi i zgjedhjeve, aksesi mediatik i barabartë, spikat propozimi ynë për votimin elektronik”, tha Basha.
Basha deklaroi se do të jetë i pranishëm në inaugurimin e Donald Trump si president i SHBA-ve me ftesë të republikanëve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
