Kryeministri i Kosovës, Ramush Haradinaj, thotë se lëvizja e lirë për qytetarët e Kosovës është siguruar që ditën kur Kuvendi ka kaluar demarkacionin.
“Lëvizja e lirë për qytetarët e Kosovës është siguruar qysh atë ditë kur Kuvendi ka kaluar demarkacionin. Ka shumë pyetje dhe pikëpyetje për aksionin në veri, por ne ju kemi qëndruar prapa ligjeve tona”, shprehet ai.
Në një postim në “Facebook”, Haradinaj ka komentuar edhe deportimin e shtetasve turq, një rast, që, sipas tij e ka vënë Kosovën përballë shumë sfidave.
“Deportimi i shtetasve turq e ka vënë Kosovën përballë shumë sfidave, por përcaktimi ynë është rruga euro-atlantike. Ne nuk i kthejmë fjalën Turqisë, madje kemi nevojë për partneritet në planin ndërkombëtar, por ne jemi të bindur për të drejtën tonë. Nuk mundem të bëhemi tjetër për qejf të askujt”, shkruan ai.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
