Një aksident i rëndë ka ndodhur pasditen e sotme në vendin e quajtur "Ura e Pesjakës” në Maqellarë.
Mjeti me targë AA 138 RP , me drejtues shtetasin A.K, 50 vjeç, banues në Maqellarë, ka dalë nga rruga.
Si pasojë e këtij aksidenti është plagosur rëndë drejtuesi mjetit, i cili po merr ndihmë mjekësore në spital, ndërsa nëna e tij, shtetasja A.K, rreth 79 vjeçe, fatkeqësisht ka humbur jetën rrugës për në spital.
Dyshohet se shkaku i aksidentit është bërë lagështira në rrugë, si pasojë e reshjeve të shiut të rëna gjatë orëve të fundit.
Në vendin e ngjarjes ndodhet grupi hetimor i cili po vijon hetimet për zbardhjen e shkaqeve të këtij aksidenti.
Ndërkohë një tjetër aksident rrugor është regjistruar në orët e pasdites në rrugën Tiranë-Ndroq. Një automjet tip BMW është përmbysur në rrugë.
Në vendin e ngjarjes ndodhet policia dhe po punon për shkaqet e aksidentit. Deri tani nuk raportohen për të plagosur apo viktima.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
