Gazetari Andi Bushati, i ftuar në emisionin “Të Paekspozuarit” në MCN TV, ka sjellë në vëmendje një episod të diskutueshëm nga periudha kur po themelohej Gjykata Speciale për krimet e luftës në Kosovë.
Sipas Bushatit, në atë kohë kanë qarkulluar zëra se kryeministri Edi Rama u kishte dhënë garanci drejtuesve të atëhershëm të UÇK-së, Hashim Thaçit dhe Kadri Veselit, se ngritja e Gjykatës nuk do të sillte pasoja për ta.
Ka zëra që Rama u kishte thënë Thaçit dhe Veselit: ‘Ngrijeni Gjykatën, se nuk do të jeni viktima’. Madje, sipas disa burimeve, këto garanci u dhanë në emër të amerikanëve.
Këto pretendime mund të shpjegojnë edhe sjelljen e sotme të palëve, si në raport me procesin në Hagë, ashtu edhe me përplasjet aktuale politike mes Tiranës dhe Prishtinës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
