Profili i presidentit amerikan, Donald Trump, në rrjetin Twitter (@realdonaldtrump), ishte çaktivizuar dje nga një punëtor i kompanisë, i cili ishte larguar nga firma. Profili ishte çaktivizuar për 11 minuta e pastaj është rikthyer në funksion përsëri, ka njoftuar rrjeti Twitter.
Ata që kanë hyrë në faqen e zotit Trump për një periudhë të shkurtër e kanë parë vetëm mesazhim “shprehim keqardhje, por kjo faqe nuk ekziston”.
Kompania tha se po zhvillohen hetime të brendshme lidhur me këtë çështje, në mënyrë “që kjo të mos ndodhë përsëri”.
Presidenti Trump është aktiv në rrjetin Twitter, ku ka 41.7 milionë mbështetës. / REL /
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
