Rrjeti i veshjeve H&M ka njoftuar se do të dalë nga tregu në Rusi, përballë sanksioneve të vendosura ndaj vendit, pas ndërhyrjes ushtarake në Ukrainë.
Kjo është bërë e ditur nga kompania suedeze shumëkombëshe Hennes & Mauritz.
Gjiganti suedez kishte pezulluar shitjet e tij në Rusi marsin e kaluar, menjëherë pas fillimit të luftës në Ukrainë. Ditën e sotme erdhi dhe njoftimi për daljen graduale nga vendi.
Pas shumë reflektimeve, konstatojmë se është e pamundur të vazhdojmë biznesin tonë në Rusi, duke pasur parasysh situatën.
Kështu deklaroi menaxherja e përgjithshme e grupit suedez, Helena Helmersson, në një deklaratë të kompanisë.
Grupi H&M, sipas të dhënave të publikuara në faqen e tij të internetit, kishte 150 dyqane në Rusi.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
