Gazetari Xhevahir Zhabina e konsideroi një “fitore të qeverisë” rikthimin në detyrë me vendim të Gjykatës Kushtetuese të zv.kryeministres Belinda Balluku. Duke folur në “FactCheck” gazetari Zhabina e konsideroi rastin të ngjashëm me atë të kryebashkiakut Veliaj.
“Është e njëjta gjë si në rastin e Erion Veliajt. Është miratuar kërkesa e qeverisë, pezullimi i vendimit të Gjykatës së Shkallës së Parë së Posaçme. Mbetet për t’u parë si do shkojë çështja në themel. Deri në këto momente mund të themi që është një fitore e qeverisë”.
Me 5 vota pro dhe 3 kundër Kushtetuesja vendosi të shfuqizojë vendimin e GJKKO-së, pasi mori në shqyrtim ankimin e Kryeministrit Edi Rama kundër vendimit të Gjykatës së Posaçme.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
