Bayhan Mutlu, një 50-vjeçar turk i cili ishte shpallur i zhdukur në Negöl disa ditë më parë ka habitur autoritetet pasi ishte bërë pjesë e ekipit të kërkimit për veten e tij.
Ditën që Mutlu u shpall i zhdukur ai kishte qenë duke pirë alkol me miqtë e tij dhe më pas kishte ecur në pyll, por ai nuk ishte kthyer më në lagje. Kjo gjë shqetësoi miqtë e tij të cilët lajmëruan menjëherë autoritetet.
Ekipe të shumta po kryenin operacionin e kërkim shpëtimit në Bursa.
Një numër i madh i miqve dhe fqinjëve iu bashkuan grupit të kërkimit me shpresën për ta gjetur atë më shpejt.
Ekipet e shpëtimit thërrisnin vazhdimisht emrin e tij në pyll, dhe kur papritur dikush nga grupi tha: Kë po kërkojmë? Jam këtu.
50-vjeçari i dehur kishte marrë pjesë në kërkimin e tij për veten e tij.
Të gjithë në ekipet e kërkimit dhe shpëtimit ishin të shokuar kur mësuan se Beyhan ishte me ta gjatë gjithë kohës.
Beyhan thuhet se nuk ishte në dijeni se miqtë e tij e raportuan atë të zhdukur.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
