Një burrë njoftohet se ka qëlluar veten me armë zjarri jashtë Shtëpisë së Bardhë në Uashington, thotë Shërbimi Sekret i amerikan.
Pas ngjarjes së rëndë, Shtëpia e Bardhë është mbyllur pasditen e kësaj të shtune pas ngjarjes së rëndë që ndodhi në pjesën veriore.
Të shtënat shkaktuan panik. Gazetarët janë mbyllur në Shtëpinë e Bardhë në dhomën e konferencave dhe rreth Shtepise se Bardhe është ndaluar qarkullimi.
Shërbimi Sekret tha tha se askush tjetër nuk është raportuar i plagosur në incident me përjashtim të burrit që qëlloi veten. Forcat policore, por edhe mediat e huaja që raportojnë nga vendi i ngjarjes bëjnë të ditur se viktima është vetëvrarë, por rrethanat janë ende të paqarta.
Në momentin e ngjarjes, Presidenti Donald Trump nuk ndodhej në Shtëpinë e Bardhë, por në pronën e tij Mar-a-Lago në Florida së bashku me Zonjën e Parë dhe djalin e tij Barron.
Gjatë viteve të fundit ka pasur një numër incidentesh të sigurisë në Shtëpinë e Bardhë. Në mars të vitit të kaluar një burrë me një llak piperi në dorë kaloi më shumë se 16 minuta brenda bazës pasi kaloi gardhin.
Më 23 shkurt, një makinë u fut në një pengesë sigurie jashtë ndërtesës. Një grua 35-vjeçare u arrestua.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
