Betohet qeveria “Rama 3” (VIDEO)

Qeveria e re “Rama 3”, u betua sot pranë institucionit të Presidencës, një ditë pasi mori votëbesimin në Kuvendin e Shqipërisë.

Rama dhe ministrat zgjodhën ta përshkojnë në këmbë rrugën drejt kryeministrisë, ku edhe do të mbjanë mbledhjen e parë të përbashkët. 

Gjatë ecjes të gjithë ministrat, bashkë me Kryeministrin, respektojnë semaforin te Kryesia e Kuvendit.

Emrat e ministrave të qeverisë 'Rama 3'

• Kryeministër – Edi Rama
• Zëvendëskryeministër (do mbikëqyrë edhe rindërtimin) - Arben Ahmetaj
• Ministre për Europën dhe Punëte Jashtme - Olta Xhacka
• Ministër i Mbrojtjes - Niko Peleshi
• Ministër i Drejtësisë - Ulsi Manja
• Ministër i Punëve tëBrendshme - Bledi Çuçi
• Ministre e Financave dhe Ekonomisë - Delina Ibrahimi
• Ministre e Infrastrukturës dhe Energjisë-  Belinda Balluku
• Ministre e Shëndetësisë dhe Mirëqenies Sociale - Ogerta Manastirliu
• Ministre e Arsimit dhe Sportit - Evis Kushi
• Ministre e Bujqësisë dhe Zhvillimit Rural- Frida Krifca
• Ministre e Kulturës   Elva Margariti
• Ministre e Mjedisit dhe Turizmit, - Mirela Kumbaro

4 ministra shteti

• Elisa Spiropali për Marrëdhëniet me Parlamentin
• Edona Bilalli ministre shteti për Mbrojtjen e Sipërmarrjes
• Bora Muzhaqi ministre Shteti për Rininë dhe Fëmijët
• Milva Ekonomi, ministre Shteti për Standardet e Shërbimeve

Pas betimit te qeverisë së re tek Presidenti i Republikës dhe përfundimit të procedurave të parashikuara në Kushtetutë për fillimin e qeverisjes, Këshilli i ri i Ministrave pritet të marrë edhe vendimet e para.