Eksperti i ekonomisë Eduart Koruni për hedhjen për konsultim nga qeveria të projektligjit për fshirjen e borxheve tatimore e doganore thotë se duhet një analizë e hollësishme.
Nga studio e “MCN Informacion” ai u shpreh se nga 507 milionë euro që falen, biznesi i vogël ka përfitim fare të vogël.
Kjo falje borxhi nuk e dimë se sa është shifra, falje e detyrimeve deri në 31 dhjetor 2014. Sa janë këto detyrime? Se këto detyrime janë në kurriz të së ardhmes. Nuk u morën këto para por do i paguajnë brezat e ardhshëm.
Duhet të ishte bërë një analizë shumë e hollësishme për ato që mund të falen, për ato që gjysmë falen dhe ato që nuk mund të falen. Taksapaguesi është njeriu më i nderuar, është babai që mban shtëpinë dhe ne caktojmë qeveri, Kryeministër, President dhe hallka të tëra shtetërore që paguhen nga taksapaguesit. Kjo sasi e falur a mund të falte borxhin e jashtëm të Shqipërisë?
Formalizimi i biznesit të mesëm dhe atij të vogël është shumë i survejuar dhe për këtë kategori nuk do fitohet ndonjë gjë e madhe nga kjo falje. Për biznesin e vogël është fare i vogël përfitimi nga 507 milionë euro borxhe që falen.
Në këto 507 milionë, të na jepet se kush e përfiton, dhe nëse janë para publike këto nuk falen.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
